總覺得父母不明白自己

一年了, 快一年了。
一年前, 我放棄了地獄一樣的工作環境。選擇了湊小朋友, 做c奶。湊仔, 辛苦過返工好多。
總是聽到是你們的批評說話。"你都唔識湊仔" ,"一個你都湊唔惦",  "你手腳咁慢唔惦".............無論將來我的仔女變成點, 我已盡了我最大的努力去愛他們, 去照顧他們。我問心無愧。即使從前, 我要返工, 我的day off 風雨不改的湊仔。我已盡我所能負上做人父母的責任。
希望, 這些反面的教材, 教我知道鼓勵的重要。其實批評能改變些什麼。我不需要你們的讚美, 但請不要再批評我用心經營的。你們都是我重視的人, 你們每句冷言都令我很難過。
有時都會諗, 希望第時自己老左都仍然明白阿仔阿女。怕自己老左都會成為唔明白仔女的父母。

好哥哥

今日, 和哥哥晚飯後, 拿拿臨執野, 洗碗。交訴哥哥代為看管妹妹, 我又去忙我的事。隔了一會, 哥哥走來告訴我, 妹妹有水, 但我已抹了, 你睇下。跟住我走到妹妹身傍, 原來妹妹剛嘔奶。翀翀哥哥真乖, 亦很有哥哥風範, 會照顧妹妹。媽媽好希望你們亙相扶持, 相親相愛。
翀翀哥哥, 真是媽媽的好幫手。是珒珒的好哥哥。

哥哥學校旅行, 荔枝角公園

哥哥K1的學校旅行是荔枝角公園。一向都很希望盡力參與哥哥學校的活動, 希望讓兒子知道爸媽為他付出所有的時間, 只想伴他走過成長每一步。所以雖然湊住妹妹很困身, 但今次派了爸爸做義工家長。
爸爸, 真的是一個很好的爸爸, 為了仔女, 付出了所有的時間。即使爸爸很忙, 仍然樂意抽起自己休息的時間去湊仔。星期日爸爸要返十幾個鐘, 攰到一隻野咁。但星期一仍一早起床, 陪伴兒子參與學校旅行。爸爸會和翀翀分別在不同的組別, 因為有些小朋友見到自己爸媽會扭計。爸爸告訴我, 他很受小朋友歡迎, 有澍澍, 恩宜, 柏軒成日搵佢玩。但偏偏自己的兒子對他視而不見, 令他灰心晒。
後來, 問返翀翀先知, 原來老師叫小朋友唔可以同爸媽交流, 如果唔咪下次無爸爸媽媽來。我家的翀翀真守規矩, 完全做到老師的要求。只是爸爸較失望。辛苦你啦, 親愛的老公, 我知你實在是一個好好的爸爸。希望阿仔有一日都會知道, 感到。

哥哥的改變

翀翀哥哥在公公家住了三個月啦！呢個仔, 由頭一個月會掛住回家, 掛住媽媽。到依家已經唔想回家, 亦唔掛住媽媽了。
看到兒子一日比一日霸王, 無論感覺湊兩個有多困難, 幾多疲累, 仍然好希望嘗試湊返兒子回家。孩子不能無規限, 我很怕看到這個山寨王丫。親愛的兒子, 你會變回我乖巧的寶貝仔嗎？