媽媽見紅, 不過因為未有陣痛, 媽媽沖好白白, 再食埋tea, 等爸爸回家, 一齊去廣華。一切很輕鬆, 因還未有其他徵兆。
去到醫院, 程序有些不同了。搞到11點幾先可以安定瞓覺, 不過係醫院瞓得好麻麻。
四月九日早上
醫生巡房, 叫媽媽出院, 有其他徵兆再入院。等到爸爸起身, 11點接了我出院。在醫院食得太少, 很餓，和爸爸一出院便去意粉屋勁食。因為真係餓得很慘。
差不多時間回公公家晚飯, 探翀翀。成晚無見阿仔, 自己都很怕妹妹一出世, 無時間見到翀翀。要好好珍惜可以見到, 陪到翀翀的機會。
吃完晚飯, 陪翀翀玩左一陣, 玩的時候, 開始感覺唔舒服, 有啲痛, 但掛住陪翀翀, 無理到。
翀翀要瞓啦，他扭計要我陪到他睡了。其實媽媽一樣不捨得你。最後講好搭9要走, 翀翀都知媽媽離開, 一直呃水吹, 媽咪丫...,媽咪丫....,媽咪丫...其實所講的野都無咩內容, 好明顯只係唔捨得你, 傾多一句得一句, 阿仔真可愛。
離開公公家, 感覺唔太舒服, 原本想上去坐下, 抖下, 但怕上去一陣翀翀唔捨得我。 最後決定回家。
回家路上, 開始很痛, 但咁啱講緊電話, 無理會。越來越痛, 忍唔住, 收左線, 返屋企再算。回到家打俾小二, 小二主動說過來, 這次我說好, 因我真的唔太舒服。轉過頭, 真的感覺痛得很密, 我再打俾小二, 叫她要搭的士過來。匆匆沖過涼, 想了想還是去了醫院。還未有時間打俾爸爸, 幸運地姨媽說已打了給爸爸。真的很幸運, 因平時爸爸公司是接收不到, 巧合地姨媽打到給爸爸。如果不是姨媽打了給爸爸, 相信爸爸不會趕得及看到妹妹出世, 真的很感謝!^__^
上到的士, 真的越來越痛, 亦痛得很密。我真怕爸爸趕不及看妹妹出世, 再叫姨媽提爸爸盡趕來。去到醫院, 我連行的氣力都無啦！因為真的很痛。最後要坐輪椅上去。第一次坐輪椅, 哈, 都幾好坐喎！上到北9, 真的很痛苦, 因我明明已痛得要生, 但仍然要忍。 因醫院要駁機檢查, 又要等醫生望一望先入得產房。唉...其實當時我連羊水都穿了, 還要等醫生看我的病歷。醫生第一不會為我接生, 亦沒有替我檢查。 卻偏偏要我等待...另一邊很痛苦的經歷是, 護士們不斷重覆又重覆問我叫咩名, 有無乜乜乜病歷, 葯物敏感。 你們不讓我生要我忍, 我已痛得不能說話, 真的連回答的力氣都無。仲咩咁多問題, 而且係重複又重複呢！真想死丫。
之後, 聽返爸爸講, 原本以為阿妹十號出世, 因為他在產房門外等的時間已是23:40, 只有20分鐘便十號。 誰知, 一入產房, 只等了十分鐘, 阿妹便出世啦！爸爸話好快丫! 而產房的姑娘應該都覺得好快, 因聽到她們很喜悅的聲音。好開心, 終於都見到阿妹, 阿妹好精靈, 同哥哥有9成相似。 哥哥出世時和爸爸一模一樣樣。 但阿妹雖然好似哥哥, 但並不似爸爸。生阿妹的時間雖然很快, 但卻很痛,真的感覺到十級痛。生哥哥時一直覺得只有8級痛, 並非想像中咁痛。好開心, 生完可以和妹妹, 爸爸共處一陣。 果一刻, 真的很掛念翀翀, 很想翀翀也一齊分享妹妹出世的喜悅。我知翀翀哥哥一定會很開心。護士姐姐很好人, 主動提出幫我們影了張合照, 因為沒有翀翀, 所以不算全家幅。我還記得, 生翀翀時, 爸爸想影張相, 卻被姑娘拒絕了。
爸爸離開產房, 還買了宵夜給我, 陪我吃完至走。生阿妹真的很痛, 痛到面都感覺麻痺了，原來痛是可以去到咁, 或者上天是要告訴你, 生兒育女, 陪伴他們成長, 一點都不簡單, 先讓你嘗過痛, 那麼以後的苦, 你才有勇氣走下去。
係醫院睡了三個小時, 妹妹就交返俾媽媽照顧, 餵奶啦！好掛住妹妹丫, 喜悅的心情一直停不了...
中午, 爸爸返工前還買了面包來探我和妹妹。
10/4/2014
探病時間, 有舅父舅母; 姨媽, 婆婆; 嫲嫲, 伯伯來探珒珒。
Luilui姨還送來鮮花給我和妹妹。送花來的時候, 很驚訝, 我還以為是爸爸。
到了晚上, 媽媽已經由興奮的心情變得疲累了。晚上的珒珒, 成晚大便, 媽媽一共換了十多條片, 連濕紙巾也差不多用完。除了不停換片, 珒珒還喊足成晚, 累死媽媽啦！幾時先有得抖抖?! 原來這只是辛勞的開始...
第二日早上, 叫公公幫手買了濕紙巾來。不過, 珒珒開始疴清了, 少了很多大便。
中午爸爸返工前來看我和妹妹。傍晚, 姨媽放工來接我和妹妹出院, 終於可以回家啦！很掛念東寶閣丫...
沒有留言:
張貼留言